Wir schreiben das Jahr 2005. genauer der 13. November. Es riecht nach Kebab undWürsten, das.erste „Spiel der Spiele“ steht an. Wir befinden uns im schönen Emmental, genauer genommen in Langnau in der legendären „Kupferschmitte“. Die Idee des Veranstalters (Paragraph K): „Hip Hop u Schutte“. Und mittendrin die berner Jungs von „Chlyklass“. Alle hell begeistert von der Schweizer Fussball-Nati. Alle?!
Mänu: Hey Greis, hesch churz Zyt für es Interview? (Schweiz-Türkei isch 30 Minute alt...)
Greis: Ja, wosch es grad ize mache?!
Mänu: Ja okay, (im Backstage acho…) bisch de du nid so schutte agfrässe?!
Greis: Nei im Gägesatz zu de angere nid so… aber i finge die Idee guet „Hip Hop u Schutte“ als solches z verchoufe. Mir passe süsch immer üses ganze Programm em Fuessbau a dh. aui angere (usserd em Link, em Baze u mir) si aui engagiert ir Alternativ-Liga oder im Firme-Fuessbau. Sowou PVP (Viktoria 78, feat. Chruscht, Phantwo u Prügu) wi o Wurzel 5 (Obschtbärg United, 2 mau Schwizermeischter!) hei es eigets Team ir Auternativ Liga.
Mänu: …u glich heiter no nie e Track über Fuessbau gschribe?!
Greis: Mit Fuessbau begeischtere zur Zyt ja scho d Jungs vo „Luut und Tüütli“ uf ihrem nöie Aubum. Aber i üse Tracks hets immer wider versteckt Aspilige uf Fuessbau zum Bispiu ir „Gangschter Hymne“ verzeut dr Chruscht unger angerem vor Wäutmeischterschaft ’86.